මැතිවරණ කොමිසමට ඉදිරිපත් කළ ජාතික ජන බලවේගය පක්ෂයේ මූල්‍ය වාර්තාවේ රුපියල් මිලියන 83ක් ඇතැයි සඳහන්ව තිබෙන බව එම පක්ෂයේ නායක අනුර කුමාර දිසානායක මහතා පවසයි.

“මට මතක හැටියට එජාපයට මිලියන 35ක්, ශ්‍රී ලංකා පොදුජන පෙරමුණට මිලියන 17ක් තියෙනවා. ඒකට හේතුව ඒගොල්ලෝ කළු සල්ලි පාවිච්චි කරන එක. ඔවුන්ගේ ගිණුම්වල මුදල් නැහැ. නමුත් අපේ මැතිවරණ ප්‍රචාරක ව්‍යාපාරයට වඩා 100 ගුණයක් විශාල මුදලක් ඔවුන් තම මැතිවරණ ව්‍යාපාරයට වැය කරනවා. ඔවුන් සැබෑ අරමුදල්වලින් හතරෙන් එකක් පමණයි මැතිවරණ කොමිසමට ඉදිරිපත් කරන්නේ. අපි හැම සතයක්ම බැංකු හරහා වියදම් කරනවා. මම මගේ වත්කම් ප්‍රකාශය කථානායකවරයාට ඉදිරිපත් කර තිබෙනවා”

යැයි ද අනුර කුමාර දිසානායක මහතා මාධ්‍ය වෙත අදහස් දක්වමින් සදහන් කරයි.v